Taqbaylit

« Iferɛunen » mgal igellilen yessuturen tilelli

admin
Written by admin

Ama d Angela Merkel ama d Emamanuel Macron ama d iselwayen n tmura-nniḍen bedden merra akkd Raxoy aselwan n udabu n tmurt n Spenyul.

Iselwayen-a qeblen tiɣrit n Ikaṭalanen ass n 01.10.2017 (ass n tefranit) sɣur tamsulta tasepunyulit.

Adabu n Rajoy yugi ula ad yemmeslay akkd uselway n Ikaṭalaniyen Puigdemont.

Am win ara ad yini i weqcic ameẓẓyan: „Ini-iyi-d txedmeḍ tawaɣit i wakken a k- kkseɣ tilelli-inek“.

Acuɣer Icuṭiyen zemren ad vuṭin, ad inin ma yella ad ffɣen si tmurt n Legliz neɣ ad qqimen deg-s. Annect-a xedmen-t daɣen Ikibakiyen di Kanada. 

Ma d Ikaṭalanen nnan Ispenyuliyen ala?

Adabu n tmurt n Spenyul yenna d tamenḍawt n tmurt-is tugi annect-a.

Ẓert tura d acu i d tlauft-a. Am win ara ad yini i tmeṭṭut-is (neɣ i wegaz-is) yessefk ad teqqimeḍ yid-i alam tenger tmeddurt, am triḍ, ama ur tṛiḍ ara. 
Annect-a daɣen yeḍra d Ikurdiyen.

Peshmerga (Pecmirga) am yergazen am tlawin nnuɣen mgal awanek ineslem 

di tmurt n Lɛiraq, wwin-d talwit i tmuran n Lurup, i Markan akk d tmura-nniḍen. Tura ttwazerrgen! Am waṭas n tikwal deg umezruy-nsen.

Ikurdiyen zzin-asen-d iwaɣzniwen si yal tilist.
D acu kan ur yessefk ara ad yettu yiwen imenɣi yettilin gar Ikurdiyen s yiman-nsen. Annect-a ikref-asen ifadden. War tadukli di tegnit am tin n wassa 

ur zemmren ara ad ssiwḍen ɣer uzarug-nsen.
Ula d Ikaṭalanen ɣur-sen aɣbel i d-yekka deg-sen; ur dduklen ara daɣen.

Taluft-a n Ikaṭalanen akk d Ikurdiyen tessken-d yiwet n taluft: 

Tadsimant (Timanit) drus iwakken ad yedder weɣref d ilelli. Amedya: Adabu asepenyul yekkes tadsimat i Ikaṭaliyen).

Azarug mačči d ayen fessusen ad yaḍ weɣref ɣur-s.
Nekk ul-iw yenna-yi: Ama d Ikaṭalanen, ama d Ikurdiyen zemren ad ssiwḍen ɣer yiswi-nsen assa neɣ azekka.
Am Ikaṭalanen am Ikurdiyen, amur ameqqran deg-sen yumen s yiman-is d iɣerfan illan. Ssɣarayen, xeddmen s tutlayin-nsen…

Ma d nekni s Yizwawen abrid n tikli ama ɣer tedsimant, ama ɣer uzarug mazal yeččur d isennanen.

Sɣur Akli Azwaw