Taqvaylit

​Amek ara tafeḍ targit-ik deg yiḍes n wayeḍ?

Proposé par Rédaction

Ar melmi tura ara fehmen yimeɣban belli tudert tebna ɣef “lfayda” mačči ɣef “Nniyya”?!
Agdud, tilelli ma yella yebɣa-tt, ur ilaq ara ad tt-inadi s ilugan neɣ s wallalen n win i as-tt-yekksen. Targit-is ala netta i yeẓran tiẓeṭṭ-ines! Ala netta i yeẓran azal ay tesɛa. Aɛdaw ma yella iqbel-ik, aɛdaw ma yella yessiɣzef-ak rrebg mačči d lefham i d-yeɛnan allaɣ-is, d abrid-nniḍen ur yufi ara. 

Lqut n weɛdaw iqebber ur yesserwuy! Abrid n weɛdaw, ɣezzif ur yessuffuɣ! Ma yella mazal nerǧa tifrat seg yiɛdawen-nneɣ, nuklal ayen i aɣ-yexdem! Ma yella numen s ṣṣwab ad d-yekk seg-s, iban ur yelli wayen nefhem. 

Ma yella akal yettwakkes-ak, kečč tettemɛebbareḍ d win i t-yekksen ɣef dacu ara teẓẓum, tukklaleḍ taqlaṭ!

Win yebɣan tilelli, ur yettnadi tili. Abrid-is iban, uguren-is banen akken iban yixef n webrid ɣef uḍar yeẓran amek ara yeddu! 

Ma yella twalaḍ belli d lzzayer i d tamurt-ik, ulamek ara tḥemmleḍ tamurt n yiqbayliyen. Ma yella tumneḍ belli tamurt n yiqbayliyen i d tamurt-ik ulamek ara tḥemmleḍ lzzayer; ili-k d sidi neɣ ili-k d akli! 

Ikerdiyen imi fehmen tikli n tlelli, azaln umennuɣ akked tudert, kkren, ccemren i yiɣallen-nsen am yirgazen. Ur nudan ad ẓren amek ixemmem weɛdaw-nsen, neɣ wayeḍ. Tella targit, tella tnekkra, ayen nniḍen yakk d taguni!

Iḍ ameggaz

Irnaten Murad

About the author

Rédaction

Leave a Comment