Actualités

​Bru i yimezran-im

Proposé par Rédaction

Kemm d-yettakken tudert, amek ara tqebleḍ taqlaṭ?! 
Tɛebbaḍ, tenḥaffeḍ, kerzen yes-sem, tessusmeḍ. Tɛemdeḍ tikkwal, tqebleḍ s tmara…maɛna ar melmi?! Kkes takmamt, ini-d “ALA!”. Kkes tafunart, bru-yas i waḍu n tnekra, ini-d: “Abbuh!” 

Kkes-d tafekka-m i tmetti, yak d ayla-m! rreẓ lemri, deg-s llant wallen n wiyaḍ! Ffeɣ ɣer berra, taddart tettikkiḍ deg-s. Tamdint tettikkiḍ deg-s, lexlawi, inig, iḥerqan, idurar, berra. Iɣeblan tettikkiḍ di tifrat-nsen, iḥuza-kem waṭṭan-nsen yak ula d kemm!

Idir deg wayen ttwalint wallen-im, mačči deg wamek kem-id-ttwalin wiyaḍ. Tagrawla-m, tilelli-inem abrid-is yebda deg uxxam ideg telliḍ, di twacult ideg telliḍ, deg umḍiq ideg telliḍ… asurif amenzu i tlelli, mi ara tagiḍ, ass ideg ara d-tiniḍ “dayen!” “abbuh”, “ahbuh”, “merde!” ɣas akken aɛdaw-im neɣ ugur-im amenzu d kemm! 

Smenteg timest yellan deg-m akken ad d-walin ifeṭṭiwej n tlelli iɣef terɣiḍ! Bru-d i waḍuyen yessedreg wul-im akken ad ihuz tilisa i kem-yeqqnen! Rreẓ cckal akken ad d-yeṭṭerḍeq wawal, ad yessefruri tasusmi ideg ikem-ttlen!   

A tameṭṭut, axxam rran-am-t d aẓekka! Aḥram ma yella tesberbreḍ-t, d lekkfen ay txaḍeḍ i yiman-im, i yimal-im s ufus-im. 

Ur qebbel ad tiliḍ i wergaz, nadi amek ara tiliḍ d wargaz ma yella tebɣiḍ! A taqbaylit.

Ḥlu si tili-inem d tameṭṭut.

Irnaten Murad

About the author

Rédaction