728 x 90

Amaynut : Tullisin s Teqbaylit

Amaynut : Tullisin s Teqbaylit

Tullisin s teqbaylit, d adlis n wamud n tullisin i yura Fawzi At yexlef d yinelmaden-is. Tazwert yura-tt umaru Malek Houd.

Adlis-a i yuran s teqvaylit, yeffeɣ-d ddurt-a yakan ɣer tezrigin n Franco-berbere. Deg-s 10 tullisin mgaradent gar-asent ilmend isental neɣ gar tilawt d usugen.

Tira telha, trennu afud d lǧehd i tutlayt ad tnerni deg tsekla. Akken daɣen tutlayt taqvaylit, ara tt-yessalin d tira.

 »

Leqdic-a, akken I t-id neɛrek nek d yinelmaden n uswir wis 04; tazwara tella d tikli kan, syin akin tuɣ abrid seg ucrurud ɣer tikli, nxeddem deg-s almi kan I yuɣal ɣer taggara d ammud n tullisin I d-yeffeɣen deg udlis-a.

D tullisin s Teqbaylit meẓẓiyen maca yal yiwet tessaweḍ-d izen Iɣef wayen tebɣa ad tini.

Nuzen-itent ilmend n wayen nwala deg tneɣrit akked wamek ilaq ad naru tullist.

Tullisin-a s Teqbaylit I yellan deg udlis, mgaradent gar-asent ama ɣef wayen yerzan isentalen neɣ gar usugen ama ɣef d tilawt; ilmend wamek iga uxemmem unelmad d wanda izmer daɣen ad issiweḍ aswir-ines. Mi ara nwali deg waya, ad d-naf inelmaden mi ara d-lsen tullist, beqqun s waṭas ad zẓen aqerruy-nnsen ad sugenen wala ma sneseren-tt-id anda nniḍen neɣ deg tilawt.

Akken daɣen ara rreɣ i yiselmaden d tselmadin i yekkaten ɣef Teqbaylit d yidles Amaziɣ, ad rnun cwiṭ deg lǧehd-nnsen d lebɣi-nnsen akken ad fken imru I unelmad ad yaru I wakken ad issenfali deg tmussni-ines, deg uxemmem-is, deg yiḥulfan-is…dayen ara yeǧǧen anelmad ad yissin iman-is ugar, ad yernu ad yefk azal d wafud I yedles-ines ad t-yissin ugar wayen yessen deg-s yakan. S tira I nezmer ad neqqen gar tsuta n yiḍelli d tin n wass-a akken ad d-yili useḥbiber ɣef tmeslayt-nneɣ.

« 

Fawzi at Yexlef

Tullisin s Teqbaylit

Tizrigin : Editions Franco-Berbères

Azal : 300 DA

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos