728 x 90

APATṚUN D AMAKAR , AMƔID D AKLI N TSIHRANT. 

APATṚUN D AMAKAR , AMƔID D AKLI N TSIHRANT. 
Tanekra n uɣṛef di yal tama deg umaḍal, d tin n wid yettwarzen mgal tasihrant. Ixeddamen, iɣallen iburen, tilawin, ilmeẓyen d yinelmaden ssawalen i berru d unagraw asihran. Imedyaten ugten: 1871 di tɣiwant n Lpari, Tubeṛ 1917 di Arrus, Yulyu 1936 di Spenyul.
Amennuɣ agrawlan mgal icenga n tsekremt-nneɣ tamɣidt d win i ilaqen ad yili yal ass akken i as-isemma Tṛutski: tagrawla tameɣlalt. Taggara-a, nwala imussuten n usalel i kra n yipatrunen deg tmurt n Lzayer, am tikliwin d tseqquma i d-ilulen di tmurt n Leqbayel. Send amussu n « Lḥiṛak » ? llant-d tmesbaniyin di Bgayet ; ikabaren n tsertit, isdawanen, tidukkliwen tidelsanin, ixeddamen d yiferdisen n tmetti ffɣen-d ad d-beynen tilin-nsen ɣer tama n ukeṛwa. Isɛed Rebrab, wayi d yiwen kan n umedya gar waṭas n yimedyaten i terra tburjawizit, s yikabaren-is d tuddsiwin-is, d meskin. Meskin d axeddam Ur nesɛi azref i unemlu deg lluzin-is, aɣṛud-is ur yelli d win ad t-yeǧǧen ad yesɛu azref i tudert n liser, d aɣṛud n unqab.
Taburjwazit tazzayrit, tebda tettlal-d seg wasmi i d-tewwi tmurt timunnent, maca di tallit-nni ulac aṭas n yipatṛunen, rnu Lzzayer teddem abrid n tnemlayt, ɣas ma d awal kan; acku deg tillawt d udem asṭalini deg uselḥu n tsertit n tmurt. Deg tezɣent tapiṛulit n 1986, Lzayer tuɣal ddaw tecḍaḍt n tuddsiwin tigreɣlanin: am lbanka tagreɣlant i d-yewwin Lzayer ad tezzenz tikebbaniyin-is. Deg waya, i d-lulen yipatṛuten-a yerran tamurt d akal n waklan d taklitin yettidiren deg lluzinat.
Ass-a, ilaq ad nẓer d nekkni i yettelḥaqen i upatṛun d acu ara yečč, s tidi-nneɣ i yessawaḍ ad yesnerni tadrimt-is. Ilaq ad nennaɣ ɣef yizarfan-nneɣ, ad neddukel deg tseqquma n yixeddamen, deg unamluten (sandikat). Amennuɣ, ad yili yal ass ; argaz, tameṭṭut amennuɣ-nneɣ d yiwen , magal tasihrant. Mačči s mass, zizi neɣ s lalla ara nidir. Nebɣa ad nidir di liser, s umennuɣ d tdukkli n tsekremt-nneɣ. Apatṛun d amaker, amɣid d akli n tasihrant, maca s tdukkli n yiɣallen-nneɣ, ad d-yuɣal uselḥu n lluzinat ɣuṛ-neɣ; tadrimt ad tekkes, tasihrant ad teɣli, tamesdula ad d-taɣ amaḍal.

AMAR BENHAMOUCHE
rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos