728 x 90

Erret-asen ddin-nsen, ad awen-d-rren akal-nwen!

Erret-asen ddin-nsen, ad awen-d-rren akal-nwen!

Ur yelli d ayen yelhan i ak-yebɣa win d-iqesden akal-ik. Ur yelli d ayen yelhan i ak-imenna win istɛemren igenni-ik. Akal-ik am igenni-inek, llan ɛemren s wayla-inek, s yidles-inek, s tirga-inek akked yimal n tarwa-k. Ay AQBAYLI.

Teǧǧiḍ wid “k-iḥeṛmen” si tirga, ad ak-qaɛden tilawt.

Tunfeḍ i wid ikerhen temẓi, ad ak-rebbin tarwa-k.

Tenwiḍ ad ak-yemmel abrid, uḥeddad n wuguren.

Terriḍ allaɣ-ik d lmebred, win d-yusan yebred yes-k lmus-is.

Akal inek, imɣi nnsen.

Aẓar inek, lɣella nnsen. AY AQBAYLI.

Telliḍ d nniyya, tumneḍ imsebriden, win d-yusan teǧǧiḍ-t yewwet aqiḍun. Yekkes-ak akal-ik, yekkes-ak igenni-inek, yekkes-ak imal akked targit-ik, ass-a yewweḍ-d ɣer tarwa-k.

Igenni-k yella yeččur d Igennawen (iṛebbiten); Anẓar, Tifrit, Ubdir … akken akal-ik i yeččur d Iɛessasen; aɛessas n teẓgi, aɛessas n tala, aɛessas n lḥara… Teǧǧiḍ inselmen ad ẓɛen igennawen seg igenni-INEK. Tunfeḍ i yiɛessasen ad nnejlin seg wakal-INEK, asmi tenwiḍ, asmi i ak-nnan: “AYLA-k D LBIDƐA, AYLA-NNEƔ D TIDET”! Tella “lbidɛa” yugaren “llah”? lemmer tettḥezzibeḍ AY AQBAYLI? Tella “LXURAFA” nnig n tineslemt ay aqbayli lemmer tesseḥsabeḍ?

Wali ass-a amek i ak-teḍra, tuɣaleḍ d ABEṚṚANI di tmurt-inek, tuɣaleḍ D AKLI di TFERKA-INEK. Tettnaɣeḍ ɣef TUTULAYT-IK deg wayla n lejdud-inek? Tettnaɣeḍ akken ad ak-ɛeqlen wid k-yerran d aklan. Anda yemmar nnif-inek? Anda temmut tirrugza-inek? Anwa i yessasnen s lḥerma-inek ass-a ay aqbayli?

Telliḍ d ilelli, terra-k tineslemt d akli, ay aqbayli!

Ma yella tebɣiḍ ad ruḥen waɛraben, err-asen ddin-nsen.

Irnaten Murad

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos