I kemm a taceṭṭaḥt n 8 Meɣres !

I kemm a taceṭṭaḥt n 8 Meɣres !

« Efkan-am » azgen n wass, yes-s tfere, wiss ma d azgen amezwaru neɣ d wissin ? Qbel hur neɣ mbeɛd lɛica? A tameɣbunt!

Tudert-im ijɣem-itt ddel, kemm ttcmumu-as i winna kem-yerran d lmal. Anida-kem deg umenzu n meɣres? neɣ 9 di meɣres, deg udaynin neɣ di tɣurfet?

A nniyya, kemm yerǧan seg urgaz izerfan! Mačči d netta ara m-ten-id-yeffken, d kemm ara s-yagin ad am-ten-yekkes, lemmer teri azal tesɛi!

Efkan-am axxam, deg-s urar akken i am-yehwa; arrac rebbi-ten, lehwal sired-iten, si ṭṭaq ur d-ttilli, tilelli-m seg umnar ɣer daxel, ma d berra d lebs i am-t-erran!

Lemmer ad tere tamuɣli i s kem-ttwalin, tamuɣli n inselmen, tamuɣli yedreɣlen, tinna kem-ittwalin d taɣawsa, taɣawsa-nni i s emmlen kan ad uraren deg wusu! ih deg wusu!

Ayen ur d-tefɣe ara ɣer wubrid ad d-tini  » Abbuh, ahbuh?! » ula d awal yettwakkes seg yimi-m, maca fre ia-ikem-id wezgen n wass, tife iɣeriwen akked isekla!

Ttkellixen-kem asmi qqaren:  » argaz tsedduy-it tmeṭṭut,.. » kelxen-am asmi ttmeslayen ɣef « lehdu n tsumta » … A nniyya! ayen di tsumta kan i am-ttessisen? ayen ur am-ttessisen ara anda-nnien?! Maca ur t-ttara ara d aɣbel, d ayen tura tesɛi azgen n wass, d ayla-m, xdem deg-s ayen i am-yehwan; effeɣ, cce, neggez, siɣret, slilew, cmume, ɣur-m kan ad akem-id-walin wiya!

Ma yella ur d-tekkire ara, tudert-im akka ara tkemmel; azgen n wass, azgen n wemdan, ad tru akk d azgen…

Ieqqa anida-t wezgen-nnien?! yak azgen kan i am-d-efkan seg wayen yellan?!

Ass ideg ara tafe azgen-nnien, ad tfehme belli azgen-agi « i am-d-efkan » ulac deg-s, d ilem… a TAMEṬṬUT.

Irnaten Murad

About The Author

Related posts