Iberriqen n yebrir

Yebrir iḥelles-d s tefsut, iḥennek s ijeǧǧigen. Iṭij seg igenni izerreɛ tafat akked lḥamu. Akal yeṛwan aman di ccetwa yebda yettkaw, yettkaw akken tettkaw tutlayt akked yidles deg tudert n uqbayli.

Akal yelli, yefla uɛebbuḍ-is am uɣerbal, seg-s teffɣen-d iberriqen. Akkenni i teḍra d iberriqen n umennuɣ; amennuɣ yefla, ineggi, deg-s yexleḍ leɛyaḍ akked d rrṣed n tikta. Seg-s teffɣen-d iberriqen di 20 yebrir kan. Amennuɣ-nnsen yesɛa leɛmer n ẓdec, ad iɛeggeḍ, ad yecnu, ad yessɛuẓẓeg imeẓẓaɣ, mi d-tewweḍ tmeddit ad yeṭṭerḍeq.

Aberriq n tegrawla, tameddit ad yekcem ɣer wexxam-is, ad yettu amennuɣ-nni iɣef d-yeffeɣ ɣer webrid, ad tt-yewwet d iḍes « meɣrud » alamma yezzi-d useggas.

Aberriq n tegrawla azekka mi ara tt-id-awin wid yennuɣen, ad d-yejbed les photos ara yuɣalen d la carte n lmuǧahidin, ad yettaɣ apursyun, zdat-s anwa ara d-yekkfun awal? Ahat nekk akked wid iyi-ccban ad aɣ-rren d iḥerkiyin, ad aɣ-semmin « lxubata » imi nutni xedmen tura n lkifaḥ nekkni nenna-d ayen nettxemmim, nenna-d nuklal ugar n wayen nebɣa…

Lezzayer tesɛa 5 juillet nekkni d 20 yebrir! yal tadyant s yemǧuhad-is, yal amǧahed s la carte-is, yal la carte s wazal-is!

21 yebrir yebda….

Irnaten Murad

About The Author

Related posts