IMINIG, AXEDDIM D USIHRI.

IMINIG, AXEDDIM D USIHRI.

150000 d aseggas-ayi, Homo Sapiens, naɣ amdan atrar ibaned deg Tefriqt. Seg imiren, ur yeqqim-ara deg yiwen wemḍiq, amdan yezga yettinig, di tikli-s yettabaɛ iɣaṛsiwen, yettnadi taggella arnu iḥemmel ad yissin tamurt. imusnawen meslayend ɣaf 60 ikilumitṛen yellan gar tsuta d ttayeḍ, almi yassaweḍ umdan ad yezzi amrar i lqaɛa.

Amdan d iminig, maca, ma yella umdan n tallit taqbuṛt itteffaɣ ar ugmer d ulqqaḍ, win n tallit tatrart ireggel i tegnawt, ṭradat d yar tudert n yal ass. Ma yella umdan n zikk, yettinig s lebɣi-s arnu ur-d-yettaf ara tilisa, winn n tura, yettafed tilisa n iwanaken, arnu yeggar irebbi-s i lmut!

Si Fayruz, tanazuṛt n usammar alemmas, id irewlen ar Lalman, Aksel n Tefriqt Ugafa id yusan ad yelmed di Fransa, ar Mariya id yennejlan si Lhunduṛas ar Iwanaken n Marikan Idduklen, ur ntettu-ara diɣen Mamadu seg Tefriqt n Umalu id izegren agaraw d yillel s teflukt ar Spenyul. Ilmeẓyen-a tesdukliten tarrgit akked usirem, maca asḥissef ḥulfan asmi wwḍen ɣar tmura n Ugafa d yiwen-is!

Di 2015, nig n umelyun d iminig id irsen di Urupa. Uṭṭun-a d win ad yalin deg seggasen id iteddun, ma nmuqel talalit yettṣubbun deg tmura n Utaram, arnu ɣaf aya, tadamsa n tmura-ayi d ttin id isuturen iɣil n uxeddim.

Asihri d winn yedren deg nnmara :
Iminig anessuf yesek, ma aburejwa yesteḥq axeddam-is. Iminig, ekkcem ar tmurt-ik, di tallit n tazɣent. Imussuten ifaciyen d wid yettafen abrid di yal tazɣent tadamsant, sawaḍen beṭṭun ixeddamen n tmurt d ixeddamen id yunagen.

Assa ilaq ad ttnefru, acengu-neɣ d iburjwaten id teggra sɛaya d udabu gar ifassen-nsen, mačči d win id yusan si tmurt tabaṛṛanit. Tadukli a yimɣiden ad nɣeḍlet wid yebɣan ad sennuɣal d aklan!

AMAR BENHAMOUCHE

About The Author

Related posts