728 x 90

Kra n tamawin ɣef tsekla taqvaylit tatrart

Kra n tamawin ɣef tsekla taqvaylit tatrart

Ungal icevhen, d win yessemyagren gar uɣaniv afessas, amawal yettwafhamen akked yizen i yettveddilen amdan s ayen yelhan neɣ t-id-yessakayen, neɣ ameslay ɣef ka n usentel amaynut i ɣef ur urin ara yakan, neɣ xersum d tira ɣef usentel i nennum d acu s tmuɣli-niḍen i as-yettaken udem amaḍlan (universalité) . Taẓḍawt d umcubbak d tuddsa daɣ sɛant azal meqqren, ilaq imeɣri ad yidir akk tudertin n yiwudam yellan deg uɛebbuḍ n wungal(tullist)-nni + ad ihulfu ama s lferh-nsen neɣ s uqrah-nsen iwakken ad d-yini yiwen ullis-a yessaweḍ izen-is akken ilaq.

Tikwal akka, ad teɣreḍ ungal ad tuɣaleḍ d asemmaḍ acku ẓẓay uɣaniv n umaru-ni, neɣ amawal yessexdem ur yettwafham ara ama d amawal aqvur i izedren deg tallit-nneɣ neɣ d amawal atrar i d-snulfuyen mebla cehha (ilaq ad tuɣaleḍ ɣer umawal deg yal tafyirt); anect-nni yettruẓu ccvaha n tsekla. Tikwal maḍi ad naf ungal anect-ila-t maca ulac deg-s tasekla imi tameslayt n umaru ur tecvih ara (mačči d tasekla aveɛda ma xussent tugniwin n uɣaniv neɣ ma yella tugniwin-nni yessexdem d tid nennum nsel yal ass neɣ tikwal d tameslayt n yal ass i d-ixdem dinna awi-d kan ad yeččar adlis-is).

Maca si tama niḍen, llan wungalen zeglen leɛḍil yellan deg tsekla taqvaylit imi d-gren isekkiren (techniques) imaynuten i yellan deg wungalen igreɣlanen (universels) tikwal mi ara afeɣ ungal akken, qqareɣ-as « wissen amaru-ya amek i t-id-tusa tikti yura ɣef usentel-a? amek i yeddes ullis-is akka? … »

Ayɣer i d-ttakeɣ isteqsiyen-a? Acku ur nummeɣ ara ttafeɣ deg tsekla taqvaylit anect-nni, d ayen iyi-issefrahen aṭas.

Nasima Xuxi

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos