728 x 90

Mohand Mokhtari : Tafizikt s Teqbaylit

Mohand Mokhtari :  Tafizikt s Teqbaylit

TUSSNA S TEQBAYLIT :

Aṭas n yidlisen n TASEKLA id yefɣen iseggasen-a ineggura. Ama d ungalen, d ammud n tullisin neɣ tamedyazt.

Maca idlisen n TUSSNA d TATIKNULUJIT (Tasenselkimt, tadamsa, takrura, tusniwin tigmawiyin, tasnudert, tasenmettit, iliktrunik,…), mexluf imawalen d sin neɣ kraḍ, am Tusnakt s wurar n Ḥend Sadi, ulac maḍi.

Atan ihi Mohand Mokhtari yessufeɣ-d TAFIZIKT S TEQBAYLIT ɣer Tiẓrigin ACHAB.

Sarameɣ d win ad yeglun s wiyaḍ ar sdat di yal TUSNA neɣ TATIKNULUJIT. Annect-a ilmend iɣerbazen uzekka di tmurt n yiqbayliyen.

TASEKNUDERT N MOHAND MOKHTARI

Mohand Mokhtari ilul deg taddart Amazoul deg Mekla ass n 10 Mayu 1954. Deg tesnawit tatiknikit n Dellys i yeɣra. Din yessen Masin uHarun, sɣur-s ilmed amennuɣ ɣef tmaziɣt. Isyin ikemmel taɣuri-is di tesdawit n Lezzayer anda id yewwi turagt talikṭrunikt.

Syen akkin yunag ɣer Fransa anida i d-yewwi agerdas n ujenyuṛ Talikṭrunikt deg useggas n 1980.

Ger 1980 d 1984 yesɣer deg tesdawit n Tizi Wezzu. Yunag i tikkelt nniḍen ɣer Fransa anda i d-yewwi Duktura « Es-Sciences ». Ar ass-a yettidir di Fransa.

Seg useggas n 1997, yura ugar 10 n yidlisen ussnanen s tutlayin n tefransist d tegnizit. Fɣen-d ɣer tiẓrigin Springer akked Heidelberg. Yiwen deg-sen yettwasuqel ɣer tutlayt n tcenwat.

Racid At Ali Uqasi

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos