728 x 90

Nekk mačči d ineslem

Nekk mačči d ineslem

Ur lliɣ d ineslem, ur tezmirem ad iyi-terrem d aɛrab.

Amek ara cerkeɣ yid-wen akal, akal-nni i aɣ-tekksem? Amek ara cerkeɣ yid-wen imal, iḍelli deg-s i aɣ-tneṭlem?

Tusam-d tenɣam yemma KAHINA, tekksem-as aqerru, seg wass-nni win d-yekkren ad t-tezlum, neɣ ad t-tenɣem. Tekksem-aɣ akal, deg-s teẓẓam ssemm-nwen. Tekksem-aɣ tutlayt, deg-s teẓẓam lɛeqliya-nnwen; lɛeqliya inekkṛen amezruy, lɛeqliya yetthuddun amdan, lɛeqliya yessexraben temẓi deg wallaɣ n warrac, lɛeqliya yessekrahen i tmeṭṭut tafekka-s, lɛeqliya i neqqen temẓi ɣer dduḥ.

Amek ara dduɣ yid-wen, kenwi yerran imal d iḍelli? Amek ara ken-qebleɣ d lǧiran, kenwi yetthuddun kra yellan? Amek ara dduɣ d Llah-nwen, kenwi inekkren s kra ttamneɣ?

Tɣunfa-ken talsa, imi ur tessinem tilisa. Tebɣam ad terrem wid-iw d kenwi, kenwi ur neẓri d acu-ken. Tebɣam ad iyi-tekksem tutlayt, tenwam ad lemdeɣ tutlayt-nwen. Tebɣam ad naru amezruy-nwen, ma yella d amezruy-nneɣ fiḥel. Kenwi d iyennaten, nekkni d menwalat, kenwi isiditen, ma yella d nekkni d aklan. Ah! lemmer ad teẓrem acḥal i tbeɛedem fell-aɣ,igenni-nwen ad d-yemmir d idammen, sseḥra-nwen ad tt-ddmen yesyaxen… A wid ur nemɛin!

Tenwam deg wakal-iw ad rekkɛeɣ i Llah-nwen. Tɣilem di tmacahut-iw ad ẓɛeɣ iwaɣzen-iwen. Tǧeɛlem deg umezruy-iw, ad d-ḥkuɣ fell-awen. A wid ur nemɛin.

Ussan n tnekkra ǧǧuǧǧugen, ussan n tegrawla fessun. Iḍ-nwen ad t-tefftek tafat-nneɣ, aksum-nwen ad t-yejreḥ wawal-nneɣ. Allen-nwen ad ten-tesderɣel tidet-nneɣ. Deg wakal-iw ur tmeqqi targit-nwen, deg uxxam-iw ur itezzi ṣṣut-nwen, di tmurt-iw ur d-tgerri lfuḥa-nwen.

Ɣas aqbayli ass-a mazal yeɣfel, ur yessin aɛdaw-is, maɛna tiɣri n wakal tebda tetteffeɣ-d seg udrar, tiɣri yessergagayen ulawen, tiɣri ara d-yessakin tisiswa…

Aqbayli ad d-yagi, ad ifaq belli tamacahut-nwen tekfa. Llah-nwen ad t-neẓẓeɛ seg yigenni-nneɣ, kenwi seg wakal-nneɣ, ayen d-teǧǧam seg wallaɣ-nneɣ. Ay imeɛfan.

Ur tessinem učči, tettmeslayem ɣef tawant. Ur tesɛim allaɣ i uxemmem, tettmeslayen ɣef tmussni. Ur tesɛim akal, tettmeslayem ɣef tmurt. Ur tellim, tettmeslayem ɣef tudert. Kenwi yellan d ccetla n yiḍelli, tenwam yella wayen ara ken-id-iṣaḥen azekka. Ay ilexxaxen.

Leǧnas deg-wen ṛwan taḍṣa, ur tenfiɛem ula i txeṣṣart. Ula d lhedd-nwen d yir netta; awal-nwen tif-it tsusmi, tamuɣli-nwen tif-itt tidderɣelt, tilin-nwen tif-itt tmettant, yerna akka tenwam ad neddu yid-wen. A wid ur neẓri.

Irnaten Murad

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos