728 x 90

S teqbaylit i bɣan ad ɣṛen warrac   

S teqbaylit i bɣan ad ɣṛen warrac   

Ugin warrac n tmurt n Leqbayel ad ɣṛen s tutlayt taɛṛabt, tin akken i yettwaḥettmen fell-asen aṭas n iseggasen-aya. Annect-a yella-d mbeɛd yiwet n ssebba d tamecṭuḥt imi kra n imawlan di Jijel ugin ad ɣṛen warraw-nsen tutlayt tamaziɣt. Amek i neqbel ayla-nsen, nutni si zik ay ugin ayla-nneɣ?

Tikwal ḍeṛṛunt tedyanin d timeqqṛanin deffir n ssebbat d timcṭuḥin kan. Ɣas akken s tsebbiwt d tamecṭuḥt i d-yella uneḥbus n tɣuṛi, meɛna d ayen akken i yejmeɛ wul aṭas n iseggasen-aya i d-yesmar. Am akken d tisegnit i d-iqelben adrar.

Steqsayen warrac: Acuɣeṛ i neqqaṛ s tatlayt taɛṛabt? Dacu i tt-ixuṣṣen teqbaylit-nneɣ iwakken ur neqqaṛ ara yes-s? Nebɣa ad nɣeṛ kullec s tutlayt taqbaylit imi tutlayt-nneɣ nebɣa ad tili daɣen d tutlayt n tussna akka am tiyaḍ.

Tutlayt taqbaylit ass-a tedda akken iwata ar zdat, yerna tezmer ad tili d tutlayt n tussna, ad ɣṛen yes-s warraw tussnakt, tafizikt, asaḍuf akked tussniwin-nniḍen.

Ɣad ass-a d imeẓẓyanen i d-yeffɣen, meɛna asirem deg-sen i yella, axaṭer dayla-nsen tmurt n Leqbayel n uzekka. Imi faqen yella lettkal fell-asen, azekka ad ṣeggmen tamurt-nsen taqbaylit.

Amaziɣ Aweɣlis

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos