728 x 90

SPENYUL 1936-1939, TAMSIRT TAGRAWLIWT.

SPENYUL 1936-1939, TAMSIRT TAGRAWLIWT.

Spenyul tesduri gar 1936 d 1939 yiwet gar tegrawliwin timeqqṛanin deg umezruy n umaḍal. D aɣṛef id yekren s yiwen n yiɣil, id yisuɣen s yiwet n taḍatt. D irgazen-nni d tlawin-nni id yesɣaṛsen snasel yurzen iḍaṛṛen n yemdanen yebɣan ad lḥun deg webrid n telelli.

Tugett n yimeɣnasen deg yiseggasen n 1930, llan deg « CNT » , « FAI », « POUM », « PCE » d « PSU ».

Deg tllemmast n wayur n yulyu, ixeddamen n Spenyul krend mgal ifaciyen. Deg iɣaṛman imeqqṛanen n tmurt am Barcaluna d Madrid, ixeddamen zined i lkaziṛnat, sawlen iy sardasen ad kecmen ar tama n tegrawla. Ass n 24 n yulyu 1936 azal n 2000 d Amdan id yeddan d DURUTTI ad smenɛen Aṛagu d 240 d ttaddart yeɣlin ddaw tecḍaṭ n yigen n Fṛanku (Franco).

Tagrawla d tin id yewwin amaynut deg waṭas n yeḥricen: tadamsa, tasartit, asinen d wayen niḍḍen. Tameṭṭut d ttin yezgan tettwaḥqaṛ deg wiyet n tmeti teṭṭef tmezgida. Tispenyuliyin slultend yiwet n tudsa tuntit : MUJERES LIBERES.

Tilawin d tid yebdan tteksent laɛjaṛ id tikkeblen. Tikkebbaniyin, lewzinat, d wakal n tfellaḥt uɣaled gar ifassen n yemɣiden deg aṭas n tamiwin n Spenyul. Adabu n usihri d tmezgida yebda iɣelli anda llan iwarnaḍen.

ɣas ma yella tagrawla taspenyul-it arẓanett ifaciyen d iburjwaten d wid yesburruyen talaba n tezwaɣ af idisan-nsen, ad teqqim d yiwet n tirmit ɣaf ad cfunt tsutiwin n yimmal.
Amennuɣ d tegrawla mačči kan d asuɣu, tagrwali d asinen asertan n weɣṛef, d leqdic n wennar. Amennuɣ d asired n wallaɣen si yar tiktiwin, naɣ d afras ɣaf allen n yinijjel yesdarɣilen.

AMAR BENHAMOUCHE

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos