728 x 90

Tabṛat i Zelgum Tazwawt ɣef teqbaylit

Tabṛat i Zelgum Tazwawt ɣef teqbaylit

Tura ad teẓreḍ acimi i riɣ ad m-id-aruɣ tabṛat i kemmi a Zelgum, d tabṛat ɣef teqbaylit. Acku d kemmi i d Taqbaylit, mačči d Muḥend Azwaw umi i yura Dda Lmulud tabrat ɣef tmussni ɣer taggara n yiseggasen n 1970. Izwawen ulac fell-asen lettkal ass-a. Fell-asen lecɣal d « imeqqranen » ! Amur wwint-d ttbaren, amur-nniḍen ttṛebbin icumar, wis kṛad teɣwa-ten tallast n tsertit.

Ihi wi i zemren ad yesseḥbiber ɣef teqbaylit nnig Teqbaylit ? Taqbaylit d kemmi, ihi kker fell-am, rfed-itt !

Ẓriɣ d taɛkemt ẓẓayen fell-am, maca d aɣan (lwaǧeb), aɣan ur ireggel yiwen fell-as, ẓẓay neɣ fessus.

Aselmed n teqbaylit i warraw-im d aɣan neɣ, ahat ugar, d lweṛt i am-d-teǧǧa yemmam-m i kemmi, ihi ula d kemmi siweḍ-it i warraw-im, ur ttḥeṛṛim ara arraw-im ɣef wayen i (d)am-id-sawḍen yimawlan-im kemmi.

Neẓra ddunit n wass-a tbeddel, mačči d tinna n zik, asmi d-ttawin medden timucuha sennig lkanun. Neẓra ula d kemmi tura teɣriḍ, tfehmeḍ, twalaḍ timura n ddunit. Ɣur-m ad kem-ɣuṛṛen wid d tid i teɣwa tafat n tutlayin d yidelsan n medden, wid d tid i tuɣ tzelgi n ṛṛay.

Ula d taqbaylit tura ad tbeddel, ma tbeddleḍ-as tikli a Taqbaylit, a Zelgum !

In-asen ihi i wid d tid i iɣilen telha kan i ccna d ccḍeḥ, i wid d tid i iɣilen di tudrin n Gelgaman d tid n Tleṭṭaṭ kan i d-teqqim, …in-asen : taqbaylit n tura mačči d tinna n « s yimi ar umeẓẓuɣ » ; taqbaylit n tura tella ukan deg yidlisen, adlis d allal, s anda i am-yehwa awi-t. Ihi anda teddiḍ, glu yes-s ; am uyefki n yidmaren-im, efk-asen i warraw-im ad ṭṭden deg-s.

tettkemmil …

Kamel Bouamara

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos