728 x 90

Takadimit n tmazirt…

Takadimit n tmazirt…

Aṭas n iseggasen-aya imdanen ttɛasan melmi ara d-tlal tkamdimit-nni ara yerren azal i tutlayt-nni n lejdud-nneɣ, meɛna dacu ur ẓṛin ara? Ur ẓṛin ara belli ass n tlalit-ines ad yili d ass n tmettant-ines.

Aṭas n iseggasen-aya Iqbayliyen ssuturen seg uɛdaw-nsen i wakken ad yesbedd takadimit ara yesnernin tutlayt-nsen, meɛna dacu ur fhimen ara? Ur fhimen ara belli ssuturen taqemmuct i wezrem.

Aṭas n iseggasen-aya Ibṛubṛuten la ṭṭamaɛen seg udabu i ten-iwten ad yerfed idles-nsen d tutlayt-nsen, meɛna deg acu ur faqen ara? Ur faqen ara belli ṭṭamaɛen tamemt seg warẓaẓen.

Aṭas n iseggasen-aya nutni d aṛaju melmi ara sɛun axxam ara ijemɛen ageṛṛuj n imawlan-nsen, meɛna dacu ur ɛlimen ara? Ur ɛlimen ara belli i wuccen i ssawlen ad iḥrez cci-nsen.

Ẓṛan akk belli ulac dacu ara d-texdem tkadimit-nni, meɛna ɛussen akk deg-s. Ẓran akk belli aṛẓaẓ ur d-ittakk ara tamemt, meɛna ḍemɛen deg-s. Ẓran akk belli adabu d win i d-ibegsen ar nnger n tutlayt-nsen meɛna ssutren deg-s. Ẓṛan akk belli uccen d amakur, meɛna wekklen-as igerrujen-nsen.

Ahawsan ad d-akin, ad ẓṛen belli taqbaylit d arraw-is kan ara tt-irefden. Ma yella ur tt-rfiden ara warraw-is ulac win ara tt-irefden.

Amazigh Aweɣlis

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos