728 x 90

Taqbaylit di tmeɣṛa n tutlayin deg temdint n Nantes (Fransa)

Taqbaylit di tmeɣṛa n tutlayin deg temdint n Nantes (Fransa)

Yal aseggas tettili-d tmeɣṛa n tutlayin deg temdint n Nantes. Tameɣṛa-ya tettejmaɛ-d aṭas n yemdanen n temdint n Nantes i d-yusan ɣuṛ-s si temdinin-nniḍen akked tmura tibeṛṛaniyin. Seg useggas n 2000 armi d aseggas-a nettat tettili-d anda i d-ttemyagaren yemdanen yettmeslayen aṭas n tutlayin : tabṛuṭunt, tagalwatt, talbanitt, taspiranṭutt, takatalant, tarusit… akked tutlayt taqbaylit s warraw-is yettidiren di temdint-a n Nantes. Iqbayliyen n Nantes, s lmendad n tiddukla tadelsant sbedden dinna la ssewjaden iman-nsen i wass n ssebt 9 di yunuyu 2018 iwakken ad ḥeḍṛen tameɣra-ya anda ara seknen tutlayt-nsen i yemdanen nniḍen, ad ɛeṛḍen ad slemden kra seg-s i wid yebɣan, ad meslayen fell-as i widak ur tt-issinen ara.

Tiddukla tadelsant Imaziɣen n Nantes (www.berberes44.fr) i yellan di tlemmast n temdint n Nantes tettejmaɛ-d aṭas n Yeqbayliyen yettidiren di Nantes akked temdinin i as-d-yezzin, yerna txeddem aṭas n leqdicat am : 1). Timsirin n tutlayt taqbaylit ; 2. Timeɣriwin n Yennayen i d-yettilin yal aseggas ; 3. Isaragen ɣef yidles, tasertit akked tussna… yerna tettekki daɣen deg leqdicat i d-ttheyyint tiddukliwin-nniḍen am tmeɣra n “Tissé Métisse” akked tmeɣra n “Galette du monde” i d-yettilin yal aseggas.

Taẓrigt n useggas-a (2018) n tmeɣra n tutlayin ad tili d tajmilt i “Luc Douillard” i yellan gar imenza i d-yesnulfan tameɣra-ya. Ass n tmeɣṛa n tutlayin ad ilin isaragen ɣef tutlayin, asenɛet n yedlisen, unuɣen, ccḍeḥ d waṭas n tɣawsiwin yeqqnen ar yidles.
Tutlayt taqbaylit ittekkin ar twacult tameqqṛant n tutlayin timaziɣin d arraw-is kan ara tt-irefden, d arraw-is kan ara tt-isnernin, d arraw-is kan ara ibedden ɣur-s.

Amaziɣ Aweɣlis

rédaction
ADMINISTRATOR
PROFILE

Voir aussi

Latest Posts

Top Authors

Most Commented

Featured Videos